«Ես չլինեմ՝ պատերազմ է լինելու. տենց չի ասո՞ւմ»․ «Այդպես չի ասել». բանավեճ՝ քաղաքացու ու Արսեն Թորոսյանի միջև

«Բոլոր դեպքում իրեն ձայն չեմ տա»,- քաղաքացին այսպիսի պատասխան տվեց ԱՍՀ նախարար Արսեն Թորոսյանին, ով ՔՊ-ի թռուցիկներ էր բաժանում։ «Սկզբից ձայն էի տվել, բայց ինչ այն ժամանակ էր ասել՝ այդպես էլ չկատարեց։ Ժողովուրդը հավատը կորցրել է։ Սխալ դիրք էր, երբ մատ էր թափ տալիս, թե պատերազմ կլինի, եթե ես չընտրվեմ, ուլտիմատում է դնում փաստորեն։ Ես չլինեմ՝ պատերազմ է լինելու, տե՞նց չի ասում»,- շարունակեց քաղաքացին։

«Դա մանիպուլացված է, այդպես չի ասել, կա խաղաղություն, որը պիտի փայփայենք, իսկ մեր հիմնական մրցակից 3 ուժերն ասում են՝ սա սխալ խաղաղություն է, պիտի լինի արժանապատիվ, երաշխավորված և ուժեղ, որը նշանակում է, որ իրենք այս խաղաղությունը կասկածի տակ են դնում և ուզում են գնան նոր խաղաղություն բանակցեն, որը բացում է կանֆլիկտի նոր դուռ»,- ի պատասխան ասաց Թորոսյանը։