CENTCOM-ը հաստատել է իրանական նավի կալանումը

ԱՄՆ Կենտրոնական հրամանատարությունը (CENTCOM) հաստատել է Օմանի ծոցում իրանական առևտրային նավի կալանումը, որը փորձում էր ճեղքել ԱՄՆ-ի կողմից սահմանված շրջափակումը։

CENTCOM-ի տվյալներով՝ իրանական նավը մի քանի նախազգուշացում է ստացել շրջափակումը խախտելու վերաբերյալ։

«Երբ Touska-ի (նավի՝ խմբ.) անձնակազմը վեց ժամ շարունակ հրաժարվել է կատարել կրկնվող պահանջները, (ԱՄՆ ռազմածովային ուժերի էսմինեց՝ խմբ.) Spruance-ը հրամայել է տարհանել (իրանական նավի՝ խմբ.) մեքենայական սենյակը։ Այնուհետև էսմինեցը շարքից հանել է նավը՝ կրակ բացելով մեքենայական սենյակի ուղղությամբ»,- ասվում է հայտարարության մեջ։

Նշվում է, որ նավն այժմ գտնվում է ԱՄՆ վերահսկողության տակ։