«ԲԿ-ի տնօրենի տանուլ տված միլիոնների բացն ինչպե՞ս է լրացվելու»․ հարց՝ Անահիտ Ավանեսյանին

«Վեդիի հիվանդանոցի ՔՊ-ական տնօրենը ԲԿ-ի փողը կազինոյում կրվեց։ Ձեր կուսակիցը միլիոններ է տանուլ տվել խաղատանը, այդ բացն ինչպե՞ս է լրացվելու»,- ճեպազրույցի ժամանակ լրագրողը հարց ուղղեց Առողջապահության նախարար Անահիտ Ավանեսյանին։ «Այդ բացը պետք է լրացվի քրեական գործի շրջանակներում, գումարը պետք է վերադարձվի»,- նշեց նախարարը։ Լրագրողի դիտարկմանը՝ մինչ այդ ծախսն ինչպե՞ս է փակվելու, Ավանեսյանը պատասխանեց․ «ԲԿ-ի ընթացիկ ծախսերը հոգվում են և եկամուտները թույլ են տալիս, որ պարտավորությունների մասով հապաղում չունենանք»։