Երևան`   +9 °C
Այսօր`   Չորեքշաբթի, 18 նոյեմբերի, 2026 թ.

«Պարզ կարո՞ղ եք ասել՝ հանվա՞ծ է, թե՞ ոչ Անկախության հռչակագիրը»․ լրագրողը՝ Սրբուհի Գալյանին

211
Չորեքշաբթի, 18 մարտի, 2026 թ., 12:48
«Պարզ կարո՞ղ եք ասել՝ հանվա՞ծ է, թե՞ ոչ Անկախության հռչակագիրը»․ լրագրողը՝ Սրբուհի Գալյանին

«Սահմանադրությունն իրավական ակտ է, սպասեք, երբ հրապարակվի, ձեր բոլոր հարցերին կպատասխանեմ»,- ճեպազրույցի ժամանակ ասաց Արդարադատության նախարար Սրբուհի Գալյանը՝ արձագանքելով լրագրողների՝ նոր Սահմանադրության մեջ Անկախության հռչակագրին հղում չլինելու հարցին։ «Քաղաքական հանձնառությունը կրում է իշխող կուսակցությունը և կառավարությունը, և ուրեմն որոշումների կայացման պատասխանատուն կառավարությունն է. ինչպես կառավարությունը որոշի, այնպես էլ կհրապարակվի։ Խորհուրդն իր կարծիքն է հայտնելու, խորհրդի քվեարկությամբ մի շարք մասնագիտական հարցեր են որոշվում, բայց ես չեմ առաջնորդվում այն տեսլականով, որ խորհուրդը դեմ է լինելու որևէ դրույթի»,- շարունակել է Գալյանը։ «Պարզ կարո՞ղ եք ասել, ձեր քննարկման ժամանակ ներածության մե՞ջ է, թե՞ դուրս է Անկախության հռչակագիրը, հանվա՞ծ է, թե՞ ոչ»,- ասաց լրագրողը։

«Ես որևէ պարտականություն չունեմ ձեզ ասելու, թե ներքին աշխատանքային քննարկումներում ինչ է քննարկվում, բայց ունենք պարտականություն՝ լինելու բաց այն պահից սկսած, երբ տեսքստը կլինի պատրաստ»,- պատասխանեց նախարարը։

Սրբուհի Գալյանի ճեպազրույցը