«Իրանի դեմ նոր պատերազմը որևէ մեկին օգուտ չի բերի»․ Էրդողան

Իրանի դեմ նոր պատերազմը տարածաշրջանին օգուտ չի բերի, ընդհակառակը՝ այն կտուժի դրանից։ Այս մասին լրագրողների հետ զրույցում հայտարարել է Թուրքիայի նախագահ Ռեջեփ Թայիփ Էրդողանը։

«Մենք ցանկանում ենք, որպեսզի Իրանի և ԱՄՆ-ի միջև խնդիրները լուծվեն երկխոսության ճանապարհով։ Մենք բարձր մակարդակով կապեր ենք պահպանում երկու երկրների հետ»,- ասել է նա՝ հավելելով, որ հեռախոսազրույցներ է ունեցել Իրանի և ԱՄՆ-ի նախագահների հետ։

«Մենք շարունակում ենք մնալ խաղաղության կողմնակից և այս հարցին մոտենում ենք դրական հույսերով։ Մենք շարունակելու ենք բացատրել, որ ռազմական սրացումը և լարվածության աճը մեր տարածաշրջանում կհանգեցնեն ավելի մեծ անորոշության։ Քանի դեռ դիվանագիտության դուռը բաց է, հույս կա։ Մենք կպահպանենք և կամրապնդենք այդ հույսը»,- նշել է Էրդողանը։