Ուկրաինայի հարցով եռակողմ բանակցություններն ավարտվել են

Ժնևում ավարտվել է Ռուսաստանի, Ուկրաինայի և Միացյալ Նահանգների ներկայացուցիչների միջև ուկրաինական կարգավորման շուրջ բանակցությունների երկրորդ փուլը։

Բանակցություններում Ռուսաստանի պատվիրակության ղեկավար Վլադիմիր Մեդինսկին հայտնել է, որ բանակցությունները ծանր էին, բայց գործնական։ Նա հավելել է, որ բանակցությունների նոր փուլը տեղի կունենա մոտ ապագայում։

Հաղորդվում է, որ բանակցությունների ընթացքում քննարկվել են տարածքային, անվտանգության, էներգետիկ հրադադարի և մարդասիրական հարցեր։