«Հայաստանում քաղբանտարկյալներ չկան»․ Սրբուհի Գալյան

«Հայաստանում քաղբանտարկյալներ չկան, վերջերս եվրոպական կառույցների՝ ԵԽԽՎ-ի կողմից համապատասխան զեկույցներ էլ հրապարակվեցին և մեր ընդդիմախոսները շատ դառնացած նշում էին, որ որևէ հղում քաղբանտարկյալներին չկա։ Իսկ դա ինչի՞ մասին է խոսում, որ իրականում գուցե և չկան»,- ասուլիսի ժամանակ ասել է Արդարադատության նախարար Սրբուհի Գալյանը։ «Չի կարելի պատսպարվել քաղաքական հայացքի, մարդու կարգավիճակի ետևում ու կատարել հանցանք կամ ենթադրյալ հանցանք, իսկ հետո խոսել ինչ-որ քաղաքական հետապնդման մասին։ Քաղաքականությամբ զբաղվելը չի ենթադրում, որ քո կատարած արարքներին հետո պարտադիր պետք է տրվի քաղաքական ենթատեքստ»,- հավելել է նախարարը։