«Ինքնամեծարումը՝ որպես կառավարման մոդել»․ Սևակ Հակոբյան

Լրագրող, խմբագիր Սևակ Հակոբյանը ֆեյսբուքյան էջում տեսանյութ է հրապարակել՝ կից գրառմամբ․ Ինքնամեծարումը որպես կառավարման մոդել. «Կարճ ասած»

«Երբ ՔՊ-ականները ամեն անգամ Նիկոլին դիմում են «մեծարգո»-ով, երբ ասում են՝ Նիկոլին տեսնելով՝ հավատացինք Քրիստոսին, երբ ասում են՝ եթե Նիկոլը չի մասնակցում պատարագների, մենք մասնակցում ենք ո՞ւմ համար, որ ի՞նչ անենք, երբ ասում են՝ Նիկոլի նկարի հետ խոսում ենք, որ սովորենք արդար որոշումներ կայացնել, երբ ՔՊ-ականները դնում են Նիկոլի դրած գլխարկից, նրա ցույց տված սրտիկից են նկարում, սրանք անձի պաշտամունքի օրինակներ են։ Երբ Նիկոլը ինչ մտքին գալիս է, խզբզում է, և գովազդային վահանակներից են փակցնում, դպրոցներից էլ պահանջում են շարադրություններ Նիկոլի գրառման թեմայով, երբ Նիկոլը կարգադրում է իր արձանները տեղադրել, երբ Նիկոլը կազմակերպում է իր անվան գավաթներ, անգամ իր հորը նվիրված ֆուտբոլի մրցաշար, երբ ստիպում է իրեն տալ համարանիշ, որն ունի ընդամենը 1 նիշ, դա հենց անձի պաշտամունքն է»։