«30 տարի մենք էինք ադրբեջանցիների տարածքներում, հիմա էլ իրենք են մտել, դուրս կգան». Գագիկ Մելքոնյան

«Տեղեկություն ունեմ, որ մեր հատվածում ծառեր չեն հատում»,- այս մասին «24Նյուզ»-ի հետ զրույցում նշեց ԱԺ «Քաղաքացիական պայմանագիր» խմբակցության պատգամավոր Գագիկ Մելքոնյանը՝ անդրադառնալով դիտարկմանը, որ 2022թ․ սեպտեմբերյան ագրեսիայի հետևանքով ադրբեջանցիները ներխուժել են ՀՀ, Շիկահողի արգելոցի որոշակի հատված իրենց վերահսկողության տակ են վերցրել և հիմա ծառերն են հատում։

«30 տարի մենք էինք գտնվում ադրբեջանցիների տարածքում, նրանց 7 շրջանները մեր տիրապետության տակ էին։ Ֆիզուլին, Լաչինը, Աղդամը մե՞ր տարածքն էին, բանակցում էինք, ասում էինք՝ հետո դուրս կգանք, հիմա էլ իրենք են մտել»,- նշեց Մելքոնյանը՝ հավելելով՝ սահմանազատումից հետո դուրս կգան։