«ԵՄ գրասենյակ եմ ներկայացրել Նարեկ Սամսոնյանի «գործը»»․ Արթուր Խաչատրյան

ԱԺ «Հայաստան» խմբակցության պատգամավոր Արթուր Խաչատրյանի ֆեյսբուքյան գրառումը. «Հավանաբար պետք է գործունեությանս այս ուղղության մասին մի քիչ ավելի շատ խոսեի/խոսեմ։ Կուսակցության և խմբակցության կողմից ես շատ հաճախ հանդիպում եմ տարբեր միջազգային կազմակերպությունների ու դիվանագիտական առաքելությունների ներկայացուցիչների հետ։ Հանդիպումների մի մասը հրապարակային են, մի զգալի մաս՝ ոչ։ Գաղտնի չեն, ուղղակի երկկողմանի պայմանավորվածությամբ որոշվում է հանդիպման փաստի, կամ քննարկված հարցերի շրջանակի մասին չխոսել։ Իսկ քննարկվում են թե՛ ներքաղաքական, թե արտաքին քաղաքական հարցեր։
Նախապես շփումների ժամանակ հիմնականում անդրադառնում էի արտաքին քաղաքական, անվտանգային հարցերին։ Բայց Հայաստանում բռնակալություն հաստատելու, ընդդիմությանը զրպարտելու ու կեղծ տեղեկություններ տարածելու նիկոլական ջանքերին զուգահեռ, օրակարգերում էական տեղ սկսեցին զբաղեցնել ներքաղաքական հարցերը։ Օրինակ՝ տեղեկացնեմ, որ երեկ ԵՄ գրասենյակ եմ ներկայացրել Նարեկ Սամսոնյանի «գործը»։ Եթե ժողովրդավարական արժեքերը Եվրոպայի համար դեռ նշանակություն ունեն, պետք է արձագանքեն թե՛ Նարեկի, թե՛ այլոց իրավունքների խախտման աղաղակող փաստերին»։