«Մենք չգիտենք՝ ինչ է խաղաղության պայմաններում ապրելը․ քայլ-քայլ սովորում ենք»․ Նիկոլ Փաշինյան

«2025թ․ օգոստոսի 8-ի հայտարարությունից հետո սա հաջորդ անկյունաքարային հայտարարությունն է, որով խաղաղության գործընթացի կարևորագույն և սկզբունքային հարցերից մեկը՝ տարածաշրջանային հաղորդակցության ապաշրջափակումը շրջանակային մակարդակում լուծվում է, որտեղ հասցեագրվում են բոլոր սկզբունքային հարցերը»,- այս մասին այսօր կառավարության նիստում մինչև զեկուցվող հարցերի քննարկմանն անցնելը նշեց վարչապետ Նիկոլ Փաշինյանը՝ հիշեցնելով, որ երեկ ՀՀ-ի ԱՄՆ-ի կառավարության անունից տարածվել է TRIPP-ի իրագործման շրջանակի վերաբերյալ համատեղ հայտարարությունը։

«Կարծում եմ՝ պետք է գնահատենք այդ հայտարարության նշանակությունը․ այս հայտարարության իմաստն այն է, որ խաղաղությունը կոնկրետ գործնական քայլերով հաստատվում է մեր հանրապետությունում և մեր տարածաշրջանում, այն այլևս իրականություն և իրողություն է․․․

Պետք է արձանագրենք, որ մենք՝ որպես պետություն և որպես հանրություն, չգիտենք՝ ինչ բան է ապրել խաղաղության մեջ, խաղաղության պայմաններում։ Մենք նոր-նոր, քայլ-քայլ սովորում ենք․․․»,- նշեց Փաշինյանը՝ հավելելով, որ երեկվա հայտարարությունից բխող գործողություններ պետք է իրականացվեն։