Ռուբիոն հետաձգում է այցն Իսրայել

ԱՄՆ-ի պետքարտուղար Մարկո Ռուբիոյի՝ այս շաբաթավերջին նախատեսված այցը Իսրայել հետաձգվել է մի քանի օրով՝ տարածաշրջանում անվտանգության արագացող զարգացումների և բարձր լարվածության պատճառով։
Ըստ տեղեկությունների՝ Ռուբիոն Իսրայել կժամանի հաջորդ երկուշաբթի՝ մարտի 2-ին։ Հետաձգումը տեղի է ունենում հատկապես զգայուն ժամանակահատվածում, քանի որ Լիբանանում ԱՄՆ-ի դեսպանատունը տարհանել է իր անձնակազմին, իսկ արևմտյան երկրներն ուժեղացնում են համակարգումն իրանական սպառնալիքի պայմաններում, հաղորդում են իսրայելական լրատվամիջոցները։

Նախկինում հաղորդվել էր, որ Ռուբիոյի ժամանումը նախատեսված էր փետրվարի 28-ին։ Այդ դեպքում նա կկարողանար հանդիպել Իսրայելի վարչապետ Բենիամին Նեթանյահուի հետ արդեն կիրակի օրը։ Հետաձգման պատճառ դարձած կոնկրետ իրադարձությունները հայտնի չեն։ Հիշեցնենք, որ ԱՄՆ-Իրան բանակցությունների հաջորդ փուլը սպասվում է Ժնևում՝ փետրվարի 26-ին։