«Վիգենի կնոջը ՀՀ-ում դիմավորող չկար, որոշեցինք մենք դիմավորել»․ Հայկ Սարգսյան

Գերությունից վերադարձած Վիգեն Էուլջեքջյանի կինը ժամանում է Հայաստան։ Օդանավակայում նրան դիմավորողը ՔՊ կուսակցության անդամ Հայկ Սարգսյանն ու նրա եղբայրը՝ Նաիրի Սարգսյանն են։

«Տեղեկացանք, որ Հայաստանում նրան դիմավորող չկա, քանի որ իրենք այստեղ մշտական բնակության մեջ չեն, ու որոշեցինք Նաիրիի հետ գանք՝ դիմավորենք։ Վիգենի կինը Հայաստան վերադառնալու հետ կապված խնդիրներ ուներ, մեր հայրենակիցներից մեկն այդ հարցը լուծել էր, մենք էլ եկել ենք իրեն դիմավորելու, որից հետո միասին կգնանք Մուրացան հոսպիտալ, որտեղ պահվում են մեր տղաները»,- լրագրողների հետ զրույցում ասել է Հայկ Սարգսյանը։