Երևան`   -3 °C
Այսօր`   Շաբաթ, 10 հունվարի, 2026 թ.

«Նարեկին խնդրում եմ դադարեցնել հայտարարված հացադուլը»․ Արմեն Աշոտյան

126
Երեկ, 16:54
«Նարեկին խնդրում եմ դադարեցնել հայտարարված հացադուլը»․ Արմեն Աշոտյան

ՀՀԿ փոխնախագահ Արմեն Աշոտյանի ֆեյսբուքյան գրառումը․ «Նարեկի և Վազգենի այսօրվա դատավարությունը հերթական ծաղրն է արդարադատության նկատմամբ։
Ի հակառակ նիստի ընթացքում տղաների և իրենց փաստաբանների կողմից բարձրաձայնված բազմաթիվ փաստերի և փաստարկների, դատավորն առանց աչքը թարթելու երկարաձգեց իրենց ապօրինի կալանքը ևս երեք ամսով։
Երիցս ճիշտ էր ԱՄՆ Պետդեպը, Մարդու իրավունքների 2023 թվականի զեկույցում նշելով, որ Հայաստանի դատական համակարգը «քաղաքականացված է, կոռումպացված և կախյալ»։ Ափսոս, որ դա միայն խոսքեր էին…
Նիկոլի պատժիչ գործիքի վերածված երրորդ իշխանության ինստիտուտները քաղաքական ռեպրեսիաների, դաշտը «зачистка»-յի ենթարկելու և վախի մթնոլորտը կարծրացնելու օղակներ են։
Տղաներին, ինչպես մյուս բոլոր քաղբանտարկյալներին, տոկունություն և ազատություն եմ մաղթում։
Նարեկին էլ հրապարակավ խնդրում եմ դադարեցնել հայտարարված հացադուլը։
Նարեկ ջան, դու լավ գիտես, որ մեր պայքարն երկարատև է, և դու պարտավոր ես լինել ուժեղ ոչ միայն ոգով, այլև մարմնով»։

Աղբյուրը`   Արմեն Աշոտյան