Երևան`   -4 °C
Այսօր`   Ուրբաթ, 09 հունվարի, 2026 թ.

Կեսգիշերին Երևանում 49-ամյա քաղաքացուն սուր առարկայով հարվածներ հասցրած տղամարդը հայտնաբերվել է

108
Երեկ, 09:54
Կեսգիշերին Երևանում 49-ամյա քաղաքացուն սուր առարկայով հարվածներ հասցրած տղամարդը հայտնաբերվել է

ՀՀ ՆԳՆ Ոստիկանությունը հայտնում է․ «Համայնքային ոստիկանները հայտնաբերել են մարմնական վնասվածքներ պատճառած տղամարդուն
Հունվարի 7-ին՝ կեսգիշերն անց, ՆԳՆ ոստիկանության օպերատիվ կառավարման կենտրոն հաղորդում է ստացվել, որ շտապօգնության խումբը մարմնական վնասվածքներով քաղաքացու է հիվանդանոց տեղափոխել: Հաջորդ ահազանգը «Արմենիա» բժշկական կենտրոնից էր. կտրած-ծակած վնասվածքներով բուժօգնության էր տեղափոխվել Երևանի բնակիչ 49-ամյա մի տղամարդ:
Համայնքային ոստիկանության Մաշտոցի բաժնի ծառայողները ձեռնարկած օպերատիվ-հետախուզական միջոցառումների արդյունքում պարզել են, որ կեսգիշերին Առաքելյան փողոցում տեղի ունեցած վիճաբանության ժամանակ 49-ամյա տղամարդուն սուր կտրող-ծակող առարկայով հարվածներ էր հասցրել նույն փողոցի բնակիչ 39-ամյա տղամարդը:
Նա հայտնաբերվել, ձերբակալվել և տեղափոխվել է բաժին: Ձեռնարկվում են միջոցառումներ՝ հանցագործության գործիքը հայտնաբերելու ուղղությամբ։
Կազմված փաստաթղթերը ներկայացվել են նախաքննական մարմին»։