«Կարո՞ղ է մութ գործեր կան, որոնց բացվելու հեռանկարից իրեն նետում է Նիկոլի գիրկը». Դերենիկ Մալխասյան

«Մայր Հայաստան» կուսակցության անդամ Դերենիկ Մալխասյանի ֆեյսբուքյան գրառումը․ «Ալ. Սպենդիարյանի անվան օպերայի և բալետի ազգային ակադեմիական թատրոնի տնօրեն Դուրգարյան Կարենի հարցազրույցը պատահական լսեցի: Այս մտավորական կոչվողը փրփուրը բերանին արդարացնում է իր աշխատողի եղկելի պահվածքը Մայր Աթոռում ու ընթացքում քննադատում, հայհոյում է նախկիններին ու նախկին բարքերը: Հավանաբար, շատ է ուզում Նիկոլին դուր գալ:
Դրանից հետո բացում եմ սույն անձի կենսագրությունը ու փորձում հասկանալ, թե ինչ են արել նախկինները, որ այդքան դժգոհ է:
Օ՜, զարմանք, պարզվում է՝ նախկինների օրոք սրան Մովսես Խորենացու մեդալ են տվել, հետո՝ Հայաստանի վարչապետի հուշամեդալ ու ՀՀ վաստակավոր արտիստ:
Հիմա պետք է հասկանալ, թե այս մտավորական կոչված պաշտոնակիրը ինչի՞ց դրդված է դառել նիկոլական ու հականախկին: Կարո՞ղ է մութ գործեր կան, որոնց բացվելու հեռանկարից խուսափելու համար իրեն նետում է Նիկոլի գիրկը»: