«Պահանջում ենք Տաճարի վրա հարձակվելու կոչ անող մոլեգնած փոխտնօրենին ազատել պաշտոնից». Մարիամ Կանայան

Երգչուհի, իրավապաշտպան Մարիամ Կանայանի ֆեյսբուքյան գրառումը՝ կից լուսանկարով. «Կարող ե՞ք պատկերացնել, որ օրինակ՝ Լա Սկալայի, կամ Գրանդ օպերայի տնօրինության կազմում գտնվողներից մեկը Հռոմի Պապի հրաժարականը պահանջեր, կատաղած/ կատաղեցրած ամբոխի հետ գնար Վատիկան ու հարձակվեր Սուրբ Պետրոսի տաճարի վրա, ոնց հարձակվեց մեր օպերեյի փոխտնօրենը Մայր տաճարի վրա։
Պատկերացնել չի լինում չէ՞: Ցավոք, նույնը չես ասի Հայկական իրականության մասին։
Նիկոլի հրահանգով, կամ Նիկոլից ակնկալիքներ ունենալով, է՜լ քաղաքապետ, է՜լ Օպերայի փոխտնոօրեն կարող են բարոյական ու իրավական բոլոր նորմերը կորցրած հարձակվել Տաճարի վրա:
Սա չի կարելի նորմա համարել, չի կարելի հանդուրժել, չի կարելի համակերպվել:
Էս ամենի մասին լռելը նշանակում է համաձայնվել, որ նույն անբարոյականությունն ու անօրինակությունը մեզնից ցանկացածի հետ կարող են անել, երբ ու ոնց կամենան։
Հ․գ․ Պահանջում ենք ազատել փոխտնօրենի պաշտոնից:
Ի դեպ, որքան տեղյակ եմ հանցագործության մասին հաղորդում ներկայացվել է։
Հ․գ․գ․ Շատ ուժեղ կադր է։ Պետրոս Առաքյալի որմնանկարն է (դրախտի բանալիները ձեռքին), Տեր Վրթանեսը, որ կարգի է ուզում հրավիրի Տաճարի վրա հարձակվելու կոչ անող մոլեգնած ու Ալեքսանդր Ա Ջուղայեցու շիրիմը տրորող փոխտնօրենին»: