«Ըմբռնումով ենք մոտենում Ալիևի՝ Սանկտ Պետերբուրգ չգալու որոշմանը»․ Պեսկով

Կրեմլը ըմբռնումով է մոտենում Ադրբեջանի նախագահ Իլհամ Ալիևի՝ Սանկտ Պետերբուրգում կայանալիք ԱՊՀ ոչ պաշտոնական գագաթնաժողովին չմասնակցելու որոշմանը, հայտարարել է Ռուսաստանի նախագահի մամուլի քարտուղար Դմիտրի Պեսկովը։

«Մենք լիովին հասկանում ենք. իրոք, բոլոր պետությունների ղեկավարները շատ խիտ գրաֆիկ ունեն, հատկապես դեկտեմբերին՝ Նոր տարվա նախօրեին։ Մենք շարունակում ենք զարգացնել մեր գործընկերությունը, մեր կառուցողական համագործակցությունը Ադրբեջանի հետ»,- ասել է Պեսկովը՝ ճեպազրույցի ժամանակ։