Ռուսաստանն ու Իրանը ստորագրել են 2026-2028 թթ.-ի դիվանագիտական գերատեսչությունների խորհրդակցությունների ծրագիրը

Ռուսաստանի ԱԳ նախարար Սերգեյ Լավրովը և Իրանի ԱԳ նախարար Աբբաս Արաղչին ստորագրել են 2026-2028 թվականների դիվանագիտական գերատեսչությունների ​​խորհրդակցությունների ծրագիրը։ Ռուսական լրատվամիջոցների հաղորդմամբ փաստաթուղթը ստորագրվել է Մոսկվայում կայացած բանակցություններից հետո։

Ծրագիրը նախատեսում է երկու երկրների արտաքին քաղաքականության ջանքերի կանոնավոր փոխգործակցություն և համակարգում երեք տարվա ընթացքում։

Լավրովը հայտնել է, որ իրանցի գործընկերոջ հետ հանդիպման ժամանակ քննարկել են երկկողմ հարաբերությունները, Իրանի միջուկային խնդիրը և տարածաշրջանային հարցեր, այդ թվում՝ Մերձավոր Արևելքում, Հարավային Կովկասում և Կասպից ծովի տարածաշրջանում տիրող իրավիճակը։

Արաղչին հավելել է, որ այս հարցերից բացի, բանակցություններում քննարկվել է նաև Ուկրաինայի հակամարտությունը։