«Քննչականն ու դատախազությունը չեն կարողանում մեկ փաստարկ ներկայացնել, թե ինչու Կարապետյանը պետք է լինի կալանավորված». Արամ Վարդևանյան

«Սամվել Կարապետյանի գործով իրավունք, օրենք ընդհանրապես չի գործում, հստակ առկա է իրավունքի և օրենքի վճռական ոչնչացման վարքագիծ. սա մեծ ցավով եմ ասում»,- ասուլիսի ժամանակ ասաց փաստաբան Արամ Վարդևանյանը՝ հավելելով, որ գործում առկա է քաղաքական հետապնդում, քաղաքական վրեժխնդրություն: «Այս ամենն անարգանք է իրավունքի և օրենքի նկատմամբ, իրավական պետության սկզբունքի նկատմամբ»,- նշեց նա՝ հավելելով, որ քննչականն ու դատախազությունը գործում են համատեղ ու չեն կարողանում մեկ փաստարկ ներկայացնել, թե ինչու Կարապետյանը պետք է լինի կալանավորված: