«Նիկոլ Փաշինյանի ուժն ավելանում է մարդկանց վախերից». Նինա Կարապետյանց

«Ցավում եմ, բայց մարդիկ, ովքեր հայտնվել են ՔԿՀ-ներում, շարունակելու են ենթարկվել հետապնդումների, դժվարություններով անցնելու են, քանի դեռ իշխանությունը Փաշինյանի ձեռքում է, քանի դեռ իշխանության չեն եկել մարդիկ, ովքեր օրենքի գերակայության կողմնակիցներ են»,- «Առավոտ»-ի եթերում ասել է «Նժար» սահմանադրական շարժման համահիմնադիր, իրավապաշտպան Նինա Կարապետյանցը՝ հավելելով. «Կապ չունի՝ դուք սիրում եք կաթողիկոսին, թե ոչ, սիրում եք որևի հոգևորականի, թե ոչ, Սահմանադրությո՛ւնն է խախտվում, ու եթե չեք ուզում սա տեսնել, սրա արգասիքները հետո նաև ձեզ վրա են անդրադառնալու, եթե պրոցեսը չկանգնեցվի»: Նրա խոսքով՝ լավագույն տարբերակն ընտրությունների ժամանակ ճիշտ ընտրություն կատարելն է. «Պետք չէ վախենալ. ինչքան վախեցաք՝ այնքան Փաշինյանի ուժն ավելանալու է: Նրա ուժն ավելանում է մարդկային վախերից»,- նշել է բանախոսը: