ՀՀ–ում բազմազավակ ընտանիքներին տրամադրվող հիփոթեքային աջակցությունը կավելանա 400 մլն դրամով

ՀՀ–ում բազմազավակ ընտանիքներին տրամադրվող հիփոթեքային աջակցությունը կավելանա 20 %–ով կամ 400 մլն դրամով։ Համապատասխան որոշումն ընդունվեց ՀՀ կառավարության այսօրվա նիստի ժամանակ։

2025 թվականի համար այդ ծրագրի համար հատկացվել էր 2,1 մլրդ դրամ, սակայն արդեն հոկտեմբերի վերջին միջոցները գրեթե սպառվել են և այդ նպատակով է որոշվել ավելացնել աջակցությունը։

Այս տարի այս ծրագրով աջակցություն ստացել է ավելի քան 2 500 ընտանիք:

«Նախագիծը բխում է ՀՀ կառավարության 2021-2026թթ. ծրագրի 4-րդ կետի 1-ին ենթակետի 2-րդ պարբերությունից, այն է՝ շարունակաբար աշխատանքներ են իրականացվելու՝ վերանայելու և զարգացնելու արդեն մեկնարկած ժողովրդագրական իրավիճակի բարելավմանն ուղղված ծրագրերը՝ հատուկ ուշադրություն դարձնելով երեխաներ ունեցող ընտանիքների բնակապահովման միջոցառումներին»,- ասված է որոշման հիմնավորման մեջ: