«ՔՊ-ականների 99,9%-ը Նիկոլից հետո հայտարարելու է, թե Նիկոլի օրոք երկիրը դավաճանված էր»․ Նաիրի Հոխիկյան

Լրագրող Նաիրի Հոխիկյանի ֆեյսբուքյան գրառումը․ «Վստահ եմ, որ այսօրվա ՔՊ-ականների 99,9%-ը Նիկոլից հետո հնարավոր բոլոր հարթակներում հայտարարելու է, թե նախկինում (այսինքն՝ Նիկոլի օրոք) երկիրը դավաճանված էր, կառավարությունն աշխատում էր թշնամու համար, ամբողջ պետական համակարգը ապականված էր կոռուպցիայով, թալանով, և այլն։
Իհարկե, բոլոր այդ հանցանքների համար մեղավոր կկարգեն Նիկոլ Փաշինյանին, Ալեն Սիմոնյանին, Խաչատուր Սուքիասյանին ու ևս մի քանի հոգու, իսկ իրենք սուրբ կույս կձևանան։
Տեսեք, այսօր ԿԳ նախարար Ժաննա Անդրեասյանը «հակապետական» է անվանում նախկին կրթական համակարգը, որտեղ, ի դեպ, ինքն է եղել հիմնական որոշում կայացնողներից մեկը ՀՀԿ-ի կառավարման ժամանակ։
Նայեք այսօրվա մյուս ՔՊ-ականներին, որոնք հայհոյում են ՀՀԿ-ի կառավարման տարիները։ Հայհոյողները, որպես կանոն, այդ տարիներին եղել են ՀՀԿ-ական պատգամավոր կամ պաշտոնյա, նվազագույնը՝ ՀՀԿ երիտթևի անդամ, օգտվել են այն ժամանակվա իշխանության տված հնարավորություններից, բայց հիմա թքում են այն կերակրամանի մեջ, որտեղից սնվել են։
Նիկոլից հետո էլ այդպես կլինի, և Նիկոլի վրա առաջինը քար կնետեն նրանք, ովքեր հիմա իրենց հայրերից ավելի բարձր Նիկոլին են դասում։
Բայց Նիկոլից հետո եկող ազգային ուժերն այլևս չեն կարողանալու ներս թողնել այդ շակալներին, որովհետև անբարոյականության լիմիտը սպառված է։
Նիկոլից հետո Հայաստանը շարժվելու է ազգային ու բարոյական զարգացման ճանապարհով»։