«ԱՄՆ-ն դիտարկում Է Իրանի նկատմամբ գործողությունների բոլոր տարբերակները»․ Ուոլց

ԱՄՆ-ն շարունակում է Իրանի նկատմամբ գործողությունների բոլոր տարբերակները պահել օրակարգում, հայտարարել է ՄԱԿ-ում ԱՄՆ մշտական ներկայացուցիչ Մայք Ուոլցը։

«Նախագահ Թրամփը գործողությունների մարդ է, ոչ թե անվերջ խոսակցությունների, ինչպես մենք տեսնում ենք ՄԱԿ-ում։ Նա հստակ հասկացրել է, որ սպանությունները դադարեցնելու համար բոլոր տարբերակները մնում են «սեղանին», և իրանական ռեժիմը դա պետք է հասկանա»,- ասել է Ուոլցը՝ ՄԱԿ-ի Անվտանգության խորհրդի նիստի ընթացքում։

Հիշեցնենք, որ երեկ ՄԱԿ-ի Անվտանգության խորհուրդն ԱՄՆ-ի խնդրանքով նիստ է անցկացրել Իրանում ստեղծված իրավիճակի վերաբերյալ։