«Յուրաքանչյուր արցախցի պետք է հասկանա՝ սատարելով ՔՊ-ին, փակում է արցախցիների իրավունքի հարցը»․ Նժդեհ Իսկանդարյան

«Արցախցիներն իրենց սոցիալական խնդիրներով դիմում են Արցախի ներկայացուցչություն, շատ հաճախ նաև հենարան են տեսնում հասարակական գործիչ Լիանա Պետրոսյանին, իսկ մի մասն էլ նրան քննադատում է․ հիմա ո՞ւմ պետք է դիմեն արցախցիները»,- ասուլիսի ժամանակ լրագրողը հարց ուղղեց Արցախի պետնախարար Նժդեհ Իսկանդարյանին։

«Լիանա Պետրոսյանի հետ հեռախոսազրույց եմ ունեցել և հարցրել, թե ինչպես է ստացվում, որ հեշտությամբ կարողանում է հանդիպումներ ունենալ Հայաստանի նախարարների և եվրոպական դեսպանների հետ․ պատասխանել է, որ դիմել է և չեն մերժել (մինչդեռ Հայաստանի կառավարությունը մեզ հետ կոմունիկացիաներ չի պահում)․ դատողությունները թողնում եմ մեր հայրենակիցներին։ Բայց ընդհանրապես ուզում եմ նշել, որ անընդունելի է ՔՊ-ին սատարող արցախցի տեսնելը»,- ի պատասխան նշեց Արցախի պետնախարարը։ «Ես ուզում եմ, որ արցախցիները հստակ հասկանան, թե ում են սատարում, ինչ ուղղությամբ են շարժվում։ Յուրաքանչյուր արցախցի պետք է հասկանա՝ սատարելով ՔՊ-ին, փակում է արցախցիների իրավունքի հարցը»,- հավելեց Իսկանդարյանը։