Մեքսիկայի նախագահը՝ երկրում ստեղծված իրավիճակի մասին

Մեքսիկայի մեծ մասում իրավիճակը մնում է լիովին նորմալ՝ չնայած տեղայնացված միջադեպերին և ճանապարհների փակմանը, որոնք առաջացել են անվտանգության ուժերի կողմից «Խալիսկոյի Նոր Սերունդ» կարտելի առաջնորդ Էլ Մենչոյին վերացնելու հատուկ գործողության հետևանքով։ Այս մասին հայտարարել է լատինաամերիկյան երկրի նախագահ Կլաուդիա Շեյնբաումը։

«Ազգային պաշտպանության նախարարությունը հայտնել է Մեքսիկայի բանակի և Ազգային գվարդիայի կողմից իրականացված գործողության մասին, որը հանգեցրել է տարբեր ճանապարհային արգելափակումների և այլ պատասխան գործողությունների»,- գրել է պետության ղեկավարը: «Երկրի մեծ մասում կյանքն ընթանում է բնականոն հունով»:

Շեյնբաումը նշել է, որ դաշնային կառավարությունը պահպանում է «բացարձակ համակարգում բոլոր նահանգային կառավարությունների հետ» և կոչ է արել քաղաքացիներին պահպանել հանգստություն և հետևել Անվտանգության կաբինետի պաշտոնական հաղորդագրությունների ընթացքին:

Հիշեցնենք, որ երեկ Մեքսիկայի Ազգային պաշտպանության նախարարությունը հայտարարել էր «Խալիսկոյի Նոր Սերունդ» կարտելի առաջնորդ Ռուբեն Օսեգերա Սերվանտեսի, նույն ինքը՝ Էլ Մենչոյի, լիկվիդացման մասին: Նախարարության տվյալներով՝ հանցագործը ծանր վիրավորվել է անվտանգության ուժերի հետ զինված բախման ժամանակ և մահացել ռազմական հոսպիտալ ուղղաթիռով տեղափոխվելու ժամանակ: