Բունդեսթագը մերժել է ռուսական ակտիվները Ուկրաինա փոխանցելու վերաբերյալ բանաձևը

Գերմանիայի խորհրդարանը (Բունդեսթագը) մերժել է «Կանաչների» կուսակցության կողմից Գերմանիայի կառավարությանը ուղղված դիմումի նախագիծը, որով առաջարկվում էր, որ «Յոթյակի խումբը» (G7) նախաձեռնի սառեցված ռուսական ակտիվների առգրավումը՝ Ուկրաինայի օգտին։

Կանաչները պնդում էին Եվրոպայում ռուսական սառեցված ավելի քան 210 միլիարդ եվրոյի ակտիվները Ուկրաինային փոխանցել «ամբողջությամբ՝ միջազգային իրավունքին համապատասխան»։

Բունդեսթագում փաստաթղթի քննարկումից հետո համապատասխան հանձնաժողովի առաջարկությանը կողմ է քվեարկել 455 պատգամավոր, դեմ՝ 77-ը, իսկ ևս 53-ը ձեռնպահ է մնացել։