«Նախիջևանում սկսվել է Հայաստանի հետ սահմանին երկաթուղու շինարարությունը». Աղաև

Ադրբեջանի երկաթուղիներն ավարտել են Նախիջևանի Ինքնավար Հանրապետությունում երկաթուղային ենթակառուցվածքների վերակառուցման և արդիականացման նախագծային աշխատանքները։ Ինչպես հաղորդում է АПА-ն, այս մասին հայտարարել է «Ադրբեջանի երկաթուղիներ» ընկերության փոխնախագահ Արիֆ Աղաևը։

«Շինարարական աշխատանքներն ընդգրկում են 188 կմ երկարությամբ երկաթուղային գիծ: Ինչպես հայտնի է, 2025 թվականի օգոստոսի 8-ին Վաշինգթոնում նախագահ Իլհամ Ալիևը ստորագրեց պատմական համաձայնագիր՝ Թրամփի ուղի՝ հանուն միջազգային խաղաղության և բարգավաճման (TRIPP) նախագծի բացման վերաբերյալ։ Այս համաձայնագրի համաձայն՝ կվերականգնվի միջանցքի երկայնքով երկաթուղային հաղորդակցությունը։ Զանգեզուրի միջանցքը, որը Միջին միջանցքի կարևոր մասն է, համարվում է Եվրոպայի և Ասիայի միջև բեռնափոխադրումների հիմնական երթուղի։ Այս միջանցքը նաև կդառնա Հյուսիս-Հարավ տրանսպորտային երթուղու հիմնական ճյուղը»,- ասել է նա: