«Ո՞ւմ է հարցրել, Արցախը միանձնյա գնաց հանձնեց, եկավ․ հրապարակելու ենք փաստաթուղթ»․ Արշակ Կարապետյան

Արշակ Կարապետյանը, ով 2018֊2021 թվականներին եղել է ՀՀ վարչապետի խորհրդական, 2021թ․ ապրիլի 13-ից մինչև հուլիսի 20֊ը եղել է ՀՀ ԶՈՒ գլխավոր շտաբի պետի առաջին տեղակալ, 2021 թվականի օգոստոսի 2-ին նշանակվել է պաշտպանության նախարար, ֆեյսբուքյան ուղիղ եթերում հրապարակել է տեսանյութ՝ կից գրառմամբ․ «Փաստաթուղթը հրապարակելու ենք՝ նախապես երաշխավորվելով Փաշինյանին պատասխանատվության ենթարկելու մասին»։

«Մենք անպայման հրապարակելու ենք փաստաթուղթ, ու հրապարակելու ենք այն պայմաններում, որ հասկանանք՝ այդ մարդն անպայման կալանավորվելու է․․․ Ի՞նչ պիտի անի էդ մարդը, Արցախը միանձնյա գնաց հանձնեց, ո՞ւմ է հարցրել, թող իր տեղակալներից, իր կուսակցությունից մեկը վեր կենա, ասի՝ մեզ հետ խորհրդակցել է։ Թող ասեն։ Գնացել է միանձնյա Արցախը հանձնել, եկել է»,- տեսանյութում նշում է Կարապետյանը։