«Թրամփի խաղաղության ծրագրում մի շարք հարցեր պահանջում են պարզաբանում»․ Լավրով

Ռուսաստանը պատրաստ է քննարկել Ուկրաինայի խաղաղության ծրագրի կոնկրետ ձևակերպումները Միացյալ Նահանգների հետ, հայտարարել է Ռուսաստանի արտաքին գործերի նախարար Սերգեյ Լավրովը։ Նա նշել է, որ Ռուսաստանի ունեցած փաստաթղթում, որը ստացվել է ոչ պաշտոնական ուղիներով, մի շարք հարցեր պահանջում են պարզաբանում։

«Այն պաշտոնապես մեզ չի փոխանցվել, բայց մենք պատրաստ ենք, ինչպես ասել է նախագահը (ՌԴ նախագահ Վլադիմիր Պուտինը – խմբ․), քննարկել կոնկրետ ձևակերպումները։ Որովհետև այնտեղ մի շարք հարցեր պահանջում են պարզաբանում»։

Լավրովը նաև նշել է, որ Ռուսաստանին չի փոխանցվել Ժնևի բանակցությունների արդյունքում ստացված ծրագրի տարբերակը։ Նա նշել է, որ Ռուսաստանը ակնկալում է, որ ամերիկացիները կներկայացնեն Եվրոպայի և Ուկրաինայի հետ համաձայնեցված փաստաթուղթը։