Հայաստանի քաղհասարակության ներկայացուցիչներն այցելել են Բաքու

Հայաստանի քաղաքացիական հասարակության ներկայացուցիչներն այսօր այցելել են Բաքու։ Ադրբեջանական լրատվամիջոցների հաղորդմամբ՝ այցը կատարվել է ի պատասխան Ադրբեջանի պատվիրակության հոկտեմբերի 21-22-ը Երևան կատարած այցի։

Նշվում է, որ Հայաստանի և Ադրբեջանի քաղհասարակությունների ներկայացուցիչները շարունակում են երկխոսությունը խաղաղ օրակարգի շրջանակներում, որը սահմանվել է այս տարվա օգոստոսի 8-ին՝ Վաշինգթոնում ընդունված համատեղ հայտարարությունից հետո։