«Ոչ մի լուրջ ընկերություն չի գնի ՀԷՑ-ը, որի օտարման վրա միջազգային արբիտրաժով արգելք է դրված». Նարեկ Կարապետյան

«Ստոկհոլմի Արբիտրաժը արդեն արգելք է դրել: Աշխարհում ոչ մի լուրջ վարկանիշ ունեցող ընկերություն չի գա, չի գնի որևէ ընկերություն, որի օտարման վրա միջազգային արբիտրաժով արգելք է դրված»,- Հակակոռուպցիոն դատարանի դիմաց լրագրողների հետ զրույցում ասել է «Մեր ձևով» շարժման համակարգող Նարեկ Կարապետյանը՝ անդրադառնալով ՀԷՑ-ի հնարավոր գնմանը:

Նա ընդգծել է, որ եթե արբիտրաժ դիմելու մարդկանց իրավունքը ոտնահարվում է, ոչ մի լուրջ ներդնող Հայաստան չի գալու: «Հայաստանում որևէ որակական զարգացում չենք ունենալու: Դրա հիմնական զարգացումը արդյունաբերության մեջ մեր անկումն է: Եթե ոսկու առևտուրը հանենք, մեր արդյունաբերությունը անկման մեջ է»,- նշել է Նարեկ Կարապետյանը՝ հիշեցնելով. «Անցյալ տարի Հայաստանում ներդրումները կազմել են 70 միլիոն դոլար։ Վրաստանում՝ 1,9 միլիարդ դոլար։ Եվրոպացիները գնահատում են կայունությունը»: