«Ուկրաինան և Ռուսաստանը կվերսկսեն գերիների փոխանակումը»․ Ումերով

Ուկրաինայի Ազգային անվտանգության և պաշտպանության խորհրդի քարտուղար Ռուստեմ Ումերովը հայտնել է, որ Ուկրաինան եւ Ռուսաստանը կվերսկսեն գերիների փոխանակումը:

«Վերջերս խորհրդակցություններ եմ անցկացրել Թուրքիայի և Արաբական Միացյալ Էմիրությունների գործընկերների միջոցով՝ գերիների փոխանակման գործընթացի վերսկսման և մեր մարդկանց ռուսական գերությունից ազատ արձակելու վերաբերյալ»,- նշել է Ումերովը։

Նրա խոսքով՝ այս բանակցությունների արդյունքում կողմերը համաձայնեցին ակտիվացնել Ստամբուլի համաձայնագրերը։ Խոսքը վերաբերում է 1200 ուկրաինացիների ազատ արձակմանը։ Շուտով սպասվում են տեխնիկական խորհրդակցություններ։ Ուկրաինական կողմը հանձնառու է ապահովել, որ ուկրաինացի գերիները կարողանան Նոր տարին և Սուրբ Ծննդյան տոները նշել տանը։