«Բաքուն ու Երևանը դեռ շատ անելիքներ ունեն հարաբերությունների կարգավորման ուղղությամբ»․ ՌԴ ԱԳՆ

Բաքուն և Երևանը դեռևս շատ անելիքներ ունեն երկկողմ հարաբերությունների կարգավորման գործընթացն անշրջելի դարձնելու համար։ Այս մասին ասված է Ռուսաստանի Դաշնության Արտաքին գործերի նախարարության՝ 2020 թվականի նոյեմբերի 9-ին ստորագրված եռակողմ հայտարարության հնգամյակին նվիրված հաղորդագրության մեջ։

«Կողմերը պետք է քայլեր ձեռնարկեն այդ թվում՝ խաղաղության պայմանագրի ստորագրման, Հարավային Կովկասի բոլոր երկրների և նրանց անմիջական հարևանների շահերից ելնելով տրանսպորտային և տնտեսական կապերի վերականգնման, պետական ​​սահմանի արդարացի սահմանազատման և սահմանագծման, ինչպես նաև քաղաքացիական հասարակության հետ արդյունավետ կապերի հաստատման համար»,- նշված է հաղորդագրության մեջ։

Ասվում է նաև, որ Ռուսաստանը պատրաստ է իր ադրբեջանցի և հայ գործընկերներին համապարփակ օգնություն ցուցաբերել բոլոր ոլորտներում, «այդ թվում՝ 3+3 տարածաշրջանային համագործակցության հարթակի (Ադրբեջան, Հայաստան, Վրաստան, Ռուսաստան, Իրան և Թուրքիա) շրջանակներում»: