«Ամենօրյա ռեժիմով գրոհելու ենք ՀՀ-ին ու Փաշինյանին». Ռոբերտ Ամստերդամ

«Ինչպե՞ս եք պատրաստվում իրավական ճանապարհով պայքարել կամ ազդել այս իշխանությունների վրա»,- ասուլիսի ժամանակ հարց է ուղղվել միջազգային փաստաբան, Սամվել Կարապետյանի փաստաբանական խմբի անդամ Ռոբերտ Ամստերդամին: «Այս գործի դեմ պայքարելու ենք նաև քաղաքականապես: Հայաստանին գրոհելու ենք ամեն օր, մինչև այդ մարդուն ազատ չարձակեն. Փաշինյանին ամենօրյա ռեժիմով գրոհելու ենք, չենք դադարելու»,- պատասխանել է փաստաբանը և ընդգծել՝ «քանի դեռ Փաշինյանը քաղաքական բանտարկյալներ է պահում, ամեն օր դրա մասին բարձրաձայնելու ենք»: «Մենք առաջնորդվելու ենք բացառապես իրավական միջոցներով՝ իրազեկելով մարդկանց այն բռնապետի մասին, որը պարոն Փաշինյանի և իր տիկնոջ ներսում է բնակվում»,- հավելել է նա: