Արամուսի դաշտում սպանված ամուսինների մարմինների վրա եղել են հրազենի ու եղանի հետքեր

Ըստ նախնական տվյալների՝ Արամուսի դաշտում սպանվածներն ամուսիններ են։

Ըստ Armlur-ի, իրավապահ մարմինները նախնական տվյալներ ունեն, որ առավոտյան ամուսինները վիճաբանություն են ունեցել հարևաներից մեկի հետ, որից հետո նրանց գտել են դաշտում մահացած։

Մահացած ամուսինների մարմինների վրա եղել են հրազենի ու եղանի հետքեր։ Իրավապահներն այս պահին փնտրում են ենթադրյալ հանցագործին։

Սպանված Արմենուհի Ղ-ն և Գևորգ Ղ-ն գյուղի բնակիչների խոսքով հարգված, խելոք արդար քրտինքով ապրող ամուսիններ էին։