«Բանտում այցելեցի Վարդան Ղուկասյանին»․ Սերոբ քահանա Ազարյան

Ամերիկաբնակ հոգևորական Սերոբ քահանա Ազարյանի ֆեյսբուքյան գրառումը․ «Այսօր երեկոյեան՝ իմ քահանայի, հոգեւորականի եւ ազգայինի հանգամանքներով, դարձեալ այցելեցի Վարդան Ղուկասյանին, Հենդերսոնի գլխաւոր բանտում։
Մի քանի ժամուան մեր դէմ առ դէմ բանտում խօսակցութեան ժամանակ, ունեցանք չափազանց շինիչ, դրական գաղափարական փոխանակումներ զանազան նիւթերի շուրջ։ (Խնդրեմ ինձ հարցեր չտաք)։
Կարեւորը հետեւեալ յայտարարութիւնն էր որ պարոն Վ. Ղուկասյանը փափաքում է յայտնել. Վարդան Ղուկասյանը իր անվերապահ եւ ամբողջական աջակցությունն է յայտնում Ն.Ս.Օ.Տ.Տ. Գարեգին Բ. Ամենայն Հայոց հայրապետին եւ մանաւանդ կանգնում Հայաստանեայց Առաքելական Սուրբ Եկեղեցու կողքին, նիկոլիզմի դէմ։
Իմ դիմաց, անձամբ իր ձեռքով Վեհափառ հայրապետին գրուած նամակը ուղարկում ենք Ս. Էջմիածին։
Նորից յիշեցնում եմ որ ես ՈՐԵՒԷ կուսակցութեան, քաղաքական կողմերի, կամ Ղուկասյանի աջակիցը չեմ, այլ միայն ազգայնական հոգեւորական, ում մտահոգութիւնը Հայաստանն է, Արցախը, եւ մեր Եկեղեցու եւ ազգի առջեւ դրուած խնդիրները եւ ներկայ թշնամուց ազատուելը։ Եւ ինչ որ անում եմ, դա կատարում եմ հոգեւորականի իմ պարտականութեան գիտակցութեամբ։
Տ. Սերոբ քահանայ
Յ.Գ. Նրան յանձնեցի աղօթք եւ գրքեր, մաղթելով ամենաբարին, համբերութիւն եւ կորով։ նիկոլիզմը պարտուելու է»։