Զելենսկին ստորագրել է հակակոռուպցիոն մարմինների անկախությունը վերականգնող օրենքը

Վլադիմիր Զելենսկին ստորագրել է Ուկրաինայի ազգային հակակոռուպցիոն բյուրոյի և կոռուպցիայի դեմ պայքարի մասնագիտացված դատախազության անկախությունը վերականգնող օրենքը։

«Ուզում եմ շնորհակալություն հայտնել բոլոր խորհրդարանականներին իմ օրինագիծն ընդունելու համար, որն այժմ օրենք է։ Ես հենց նոր ստորագրեցի փաստաթուղթը, տեքստն անմիջապես կհրապարակվի», - ասել է Զելենսկին իր Telegram ալիքում հրապարակված տեսաուղերձում։

Հիշեցնենք՝ Կիևում և Ուկրաինայի մի շարք այլ քաղաքներում բողոքի ցույցեր էին ընթանում հակակոռուպցիոն մարմինների լիազորությունների կրճատման դեմ։

Զելենսկու խոսքով՝ «շատ կարևոր է, որ պետությունը հաշվի առնի հասարակական կարծիքը»։