Գազայի հատվածում Իսրայելի ավիահարվածներից 25 մարդ է զոհվել

Երկուշաբթի Գազայի հատվածում Իսրայելի կողմից հասցված ավիահարվածների հետևանքով զոհվել է առնվազն 25 մարդ, կան տասնյակ վիրավորներ, հաղորդում է «Al Jazeera»-ն՝ հղում անելով պաղեստինյան աղբյուրներին:

Հեռուստաալիքի տվյալներով՝ ուժգին ռմբակոծության ու հրետակոծության է ենթարկվել Խան Յունիս քաղաքի հարավը, հարվածներ են հասցվել նաև Դեյր ալ-Բալահի բնակելի շենքերին և պաղեստինյան անկլավի կենտրոնական մասում գտնվող ալ-Մաղազի ճամբարին: