«Բացի վարորդից՝ ոչ մեկը չմիջամտեց, չէին կարո՞ղ դուրս շպրտել ավտոբուսից»․ Նանա Սարգսյան

Երևանի ավագանու նախկին անդամ Նանա Սարգսյանի ֆեյսբուքյան գրառումը․ «Ավտոբուսի հայտնի դեպքը նայեցի: Ասեմ, որ հայվանը երեկ երեկոյան տեղափոխվել ա ոստիկանության բաժանմունք, բայց..․ Ավտոբուսի մեջ նստած էին բավականին թվով մարդիկ՝ տղամարդ, կին և, բացի վարորդից, ոչ մեկ չմիջամտեց դեպքին: Ուրեմն էդքան մարդ նստած նայում ա ոնց ա մի հայվան աղջկան նեղացնում, ձեռք տալիս և հայհոյում, ու չի կանգնում կոնկրետ գլուխը ջարդում:
Էս ի՞նչ զզվելի հասարակության ենք վերածվում: Եվ այստեղ հարցը արդեն խորքային ա: Ուրեմն, մի 2 կին, 2 տղամարդ չկայի՞ն, որ դրան շպրտեին դուրս: Էս եք դարձել, ժողովո՛ւրդ, և դրանում ո՛չ իշխանությունն ա մեղավոր, ո՛չ պետությունը, դրանում դուք եք մեղավոր, որովհետև վաղը էդ աղջկա տեղը կարա լինի ձեր էրեխեն ու ստանա հասարակության կողմից նույն՝ անտարբեր վերաբերմունքը:
Իսկապես ամոթ բոլորիդ»։