«Ամերիկյան կողմի հետ հանդիպման խնդրանք մեր կողմից չի եղել»․ Բաղայի

Իրանի ԱԳՆ խոսնակ Էսմայիլ Բաղային հերքել է ԱՄՆ նախագահ Դոնալդ Թրամփի պնդումները, թե Թեհրանը, իբր, ամերիկացի բանակցողների հետ հանդիպում է խնդրել:

«Ամերիկյան կողմի հետ հանդիպման որևէ հայց մեր կողմից չի ներկայացվել»,- նշել է Բաղային։

Թրամփն ավելի վաղ հայտարարել էր, որ Իրանը «հանդիպում է խնդրել», և եթե բանակցությունների արդյունքում հնարավոր լինի «ինչ-որ բան թղթի վրա գրանցել, լավ կլինի»։

ԱՄՆ նախագահի հատուկ բանագնաց Սթիվ Ուիթքոֆի խոսքով՝ ԱՄՆ-Իրան բանակցությունները, հավանաբար, տեղի կունենան հաջորդ շաբաթ։