Հրդեհ՝ Ծարավ Աղբյուր փողոցում․ 350 բնակիչ է տարհանվել

ՀՀ ՆԳՆ Փրկարար ծառայությունից հայտնում են․ «Հունիսի 27-ին, ժամը 04:38-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Ծարավ Աղբյուր փողոցի շենքերից մեկի տակ գտնվող ավտոկայանատեղիում հրդեհ է բռնկվել։

Հրդեհի բարդության «Թիվ 2» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ։ Անվտանգության նկատառումներից ելնելով շենքից տարհանվել են 350 բնակիչ։
Շենքի ստորգետնյա ավտոկայանատեղիում այրվել են ավտոմեքենաներ։

Նախնական տվյալներով տուժածներ չկան։

Հրդեհը մեկուսացվել է ժամը 07։00-ին, մարվել՝ 08։36-ին»։