«Իրանը շատ թույլ պատասխան է տվել ԱՄՆ-ի հարվածներին». Թրամփ

ԱՄՆ նախագահ Դոնալդ Թրամփը հայտարարել է, որ Իրանը երկուշաբթի օրը «շատ թույլ» պատասխան է տվել Վաշինգտոնի կողմից իր միջուկային ենթակառուցվածքների վրա հասցված հարվածներին՝ հավելելով, որ հրթիռների մեծ մասը հաջողությամբ որսացվել է։

«Իրանը պաշտոնապես շատ թույլ ձևով է արձագանքել նրանց միջուկային օբյեկտների մեր ոչնչացմանը, ինչը մենք սպասում էինք, և որին մենք արդյունավետորեն հակադարձեցինք», - գրել է Թրամփը իր TRUTH Social սոցիալական ցանցում։

Նա ասել է, որ արձակված 14 հրթիռներից 13-ը խոցվել են, իսկ մեկը «բաց է թողնվել», քանի որ ենթադրաբար որևէ սպառնալիք չի ներկայացրել։