Կրակոցներ՝ Գյումրիում, կան վիրավորներ․ կասկածյալը քրեական պատմություններով հայտնի գյումրեցի է

ՀՀ ՆԳՆ քրեական ոստիկանության գլխավոր վարչության Շիրակի մարզի քրեական վարչությունում օպերատիվ տեղեկություն են ստացվել, որ հունիսի 19-ի՝ լույս 20-ի գիշերը Գյումրի քաղաքում կրակոցներ են հնչել և կա վիրավոր:

Ինչպես հայտնում ՝ ֆոտոլրագրող Գագիկ Շամշյանը՝ ըստ օպերատիվ տեղեկությունների՝ այդ օրը վիճաբանություն է տեղի ունեցել Գյումրի քաղաքի Հաղթանակի պողոտայում գործող «Գյումրի» հացատան դիմաց, որի ժամանակ մասնակիցներից մեկը իր մոտ եղած հրազենով մի քանի կրակոց է արձակել և1 հոգի վիրավորում է ստացել կրակոցից, 2 հոգի էլ՝ ծեծկռտուքի հետևանքով: Պարզվել է, որ ոչ մի վիրավոր չի տեղափոխվել հիվանդանոց, այլ նրանք բուժում են ստանում տնային պայմաններում:

Դեպքի փաստով Շիրակի մարզային քրեական վարչությունում փաստաթղթեր են կազմվում, և ոստիկաններն արդեն գիտեն մասնակիցների և կրակոցներ արձակողի ինքնությունը, ով Գյումրիում հայտնի քրեական պատմությունների մեջ բազմիցս ներգրավված է եղել, նախաքննության շահերից ելնելով՝ որոշ մանրամասներ չեն հրապարակվում: