«Իրանի խաղաղ միջուկային օբյեկտների վրա հարձակումն անընդունելի է»․ Զախարովա

Իսրայելի կողմից Իրանի խաղաղ միջուկային օբյեկտների վրա հարձակումները Մոսկվան բացարձակապես անընդունելի է համարում, հայտարարել է ՌԴ ԱԳՆ խոսնակ Մարիա Զախարովան։

«Իսրայելի կողմից Իրանի Իսլամական Հանրապետության խաղաղ միջուկային օբյեկտների վրա հարձակումները համարում ենք բացարձակապես անընդունելի։ Սա անօրինական է միջազգային իրավունքի տեսանկյունից, ստեղծում է անընդունելի սպառնալիքներ միջազգային անվտանգության համար և աշխարհը մղում է դեպի միջուկային աղետ, որի հետևանքները կզգացվեն ամենուր, այդ թվում՝ հենց Իսրայելում», - ճեպազրույցի ժամանակ նշել է Զախարովան։