«Իսրայելի ՀՕՊ համակարգերը տեղակայվել են բնակելի թաղամասերում»․ ԻՀՊԿ

Իսրայելական բանակի զինվորականները տարհանվել են իրենց բազաներից և տեղակայել են ՀՕՊ համակարգեր իսրայելական քաղաքների կենտրոնական մասերում։

Այս մասին ասվում է Իրանի Իսլամական հեղափոխության պահապանների կորպուսի հայտարարության մեջ։

«Բոլոր ռազմական կենտրոնները տարհանվել են, և իսրայելական ռեժիմի բանակը, թաքնվելով բնակելի շենքերի տարածքում, իր անարդյունավետ հրթիռային համակարգերն ու ՀՕՊ համակարգերը տեղակայել է քաղաքների կենտրոնական մասերում», - ասվում է հայտարարության մեջ։

Ավելի վաղ ԻՀՊԿ-ն հայտարարել էր որ հարվածել է Իսրայելի հետախուզակական օբյեկտներին, որոնք տեղակայված են եղել Բեեր Շեբայի հիվանդանոցի մոտ։