«Լիակատար վերահսկողություն ենք հաստատել Իսրայելի երկնքում»․ ԻՀՊԿ

Իսլամական հեղափոխության պահապանների կորպուսը (ԻՀՊԿ) լիակատար վերահսկողություն է հաստատել Իսրայելի երկնքի նկատմամբ, հաղորդում է IRNA-ն՝ հղում կատարելով ԻՀՊԿ-ի հայտարարությանը։

«Այսօրվա հրթիռային հարձակումը ցույց տվեց, որ մենք լիակատար վերահսկողություն ունենք Իսրայելի կողմից օկուպացված տարածքների երկնքի նկատմամբ»,- ասվում է հայտարարության մեջ։

Բացի այդ, The Times of Israel-ը գրում է, որ ԻՀՊԿ-ն զգուշացրել էր Թել Ավիվի բնակիչներին տարհանվել և կոչ էր արել լքել քաղաքի հյուսիսային մասը։

Ավելի վաղ հաղորդվել էր, որ Իրանը հարվածել է Իսրայելի ՊՆ շենքին և Մոար ավիաբազային։