«Կայծակնային պատերազմը չջլատեց մեր հնարավորությունները»․ Սոբհանի

Սիոնիստական ռեժիմը կայծակնային հարձակում իրականացրեց Իրանի դեմ, ինչը պատճառ չդարձավ, որ մեր արձագանքի մեջ թերանանք։ Այս մասին Երևանում կայացած մամուլի ասուլիսի ժամանակ հայտնել է ՀՀ-ում Իրանի դեսպան Մեհդի Սոբհանին։

«Նման կայծակնային հարձակում օգտագործել էր Գերմանիան՝ Երկրորոդ համաշխարհային պատերազմի ժամանակ, որի նպատակն է հոգեբանական ճնշում գործադրել, հոգեբանորեն կոտրել հակառակ կողմին, ջլատել նրա կազմակերպչական, ու կառավարման հնարավորությունները։

Իրանի դեմ կայծակնային հարձակումը, սակայն, չնպաստեց նրան, որ մեր արձագանքի մեջ մենք թերանանք։ Իրանի զինված ուժերի հրամանատարական կազմի զոհվելուց հետո նրանց անմիջապես փոխարինեցին, պատասխան հրթիռային հարվածը չուշացավ։ Երկրորդ համաշխարհային պատերազմից հետո չեք նկատի մի երկիր, որը նման հարվածից հետո վերակազմավորվեր ու նման հուժկու հարված հասցներ թշնամուն, ինչը վկայում է տղամարդկային ոգի ունենալու մասին»․- ասել է Սոբհանին։