ՌԴ-ն հարվածել է Կիևին, կան զոհեր

Ռուսաստանը գիշերվա ընթացքում լայնածավալ հարված է հասցրել Կիևին։ Քաղաքը ենթարկվել է հրթիռային և ԱԹՍ-ների թռչող սարքերի հարձակման։

Հաղորդվում է, որ ավերվել են բնակելի շենքեր, հարված է հասցվել հանրակացարանին, վնասվել է տրանսպորտային ենթակառուցվածքը։

Ուկրաինայի ներքին գործերի նախարար Իգոր Կլիմենկոն հաստատել է, որ Կիևի վրա գիշերային հարվածների հետևանքով զոհվել է 14, վիրավորվել 55 մարդ։

ՆԳ նախարարի խոսքով՝ հարվածները հասցվել են Կիևի 27 վայրերում։