Թրամփը հրաժարվել է ստորագրել G7-ի` Իրանի և Իսրայելի վերաբերյալ հայտարարության նախագիծը. Reuters
![]() ԱՄՆ-ի նախագահ Դոնալդ Թրամփը հրաժարվել է ստորագրել G7-ի՝ Իրանի և Իսրայելի վերաբերյալ հայտարարության նախագիծը, որը պատրաստվել է կազմակերպության մյուս անդամների կողմից: Այս մասին հաղորդում է Reuters-ը՝ հղում անելով երկու աղբյուրների: Հայտարարության նախագիծը կոչ է անում Իրանի և Իսրայելի միջև հակամարտության լիցքաթափմանը: Միևնույն ժամանակ, այն պարունակում է թեզ Իսրայելի ինքնապաշտպանության իրավունքի մասին: Բացի այդ, փաստաթղթում նշվում է G7 երկրների պարտավորությունը՝ պաշտպանելու համաշխարհային շուկաներում, այդ թվում՝ էներգետիկ շուկաներում կայունությունը: Իրանը և Իսրայելը հարվածներ են փոխանակում հունիսի 13-ի գիշերվանից: ԱՄՆ-ն չի մասնակցում զինված հակամարտությանը, բայց Վաշինգթոնը բացահայտորեն աջակցել է իսրայելական կողմին: Axios-ը գրել է, որ ԱՄՆ-ն օգնում է Իսրայելին՝ հետ մղելու իրանական օդային հարձակումները: Վաշինգթոնը նաև սկսել է Ատլանտյան օվկիանոսով տեղափոխել վառելիքով լիցքավորվող ինքնաթիռներ: Թեհրանը զգուշացրել է Վաշինգթոնին՝ Իսրայելին չաջակցել, իսկ Թրամփը սպառնացել է Իրանի վրա «զինված ուժերի ողջ հզորությունը» գործադրել ԱՄՆ-ի վրա հարձակման դեպքում (երկիրը ռազմական բազաներ ունի Մերձավոր Արևելքում): ԱՄՆ-ի՝ G7 գործընկերները որևէ կոշտ հայտարարություն չեն արել կամ ակտիվ քայլեր չեն ձեռնարկել Իսրայելին աջակցելու համար: Ֆրանսիան նույնպես աջակցել է Իսրայելին, սակայն երկրի նախագահ Էմանուել Մակրոնը վստահեցրել է, որ Փարիզը չի մասնակցել Իրանին հարվածելուն և այս հարցի վերաբերյալ առաջարկություններ չի արել։ Միևնույն ժամանակ, Մակրոնը նշել է Ֆրանսիայի պատրաստակամությունը՝ մասնակցելու Իսրայելի պաշտպանությանն իրանական հարձակումներից և ընդգծել է, որ հրեական պետությունն ունի ինքնապաշտպանության իրավունք։ Մեծ Բրիտանիայի վարչապետ Քեյր Սթարմերը նաև ասել է, որ ԵՄ 3 երկրները՝ Մեծ Բրիտանիան, Ֆրանսիան և Գերմանիան, չեն մասնակցել Իրանի դեմ Իսրայելի գործողությանը։ Նրա խոսքով՝ նրանք վաղուց «լուրջ մտահոգություններ» ունեն Իրանի կողմից մշակվող միջուկային ծրագրի վերաբերյալ, և Լոնդոնը, Փարիզը և Բեռլինը «բացարձակապես» ճանաչում են «Իսրայելի ինքնապաշտպանության իրավունքը»։ |

«25 տարի բռնաբարես քո իսկ վաստակը այնպես, որ վերջում քեզ համոզեն, որ այդ ամենը խաբկա՞նք էր». Գեղամ Օհանյան
11500:48
«Եկեղեցին ոչ միայն իրավունք ունի, այլև ՊԱՐՏԱՎՈՐ Է բարձրացնել իր ձայնը». Մհեր Հակոբյան
106Երեկ, 23:54
«Սուրեն Պապիկյա՛ն, փորձենք խոսել ոչ թե գնահատականներով, այլ փաստերով ու թվերով». Մարիաննա Ղահրամանյան (տեսանյութ)
109Երեկ, 23:18
«Ինչու է Մերցը խոսում Գերմանիայի մասնատում թույլ չտալու մասին». Հակոբ Բադալյան
119Երեկ, 22:48
«Բագրատ Սրբազանի դեմ իշխանության ապօրինի գործողությունները բազմաշերտ են». Տիգրան Աբրահամյան
100Երեկ, 22:36
«Որպեսզի եվրոինտեգրվենք, պետք է աշխարհագրություն փոխենք». Արմեն Գրիգորյան (տեսանյութ)
128Երեկ, 22:06
